Ne jemi një grup me gra dhe vajza, që ndajmë bashkë pasionin për traditën tonë të bukur. Jemi vetëm disa prej qindra ose mijëra grave dhe vajzave, bija të Zadrimës, që mjeshtërinë e punimeve me tezgjah e trashëgojnë brez pas brezi prej qindra vitesh. Siç edhe mund ta dini, tradita e tezgjahut daton shumë herët në historinë tonë dhe kjo gjë deshmohet edhe nga veshja jonë tradicionale, një mozaik ngjyrash që i ka rezistuar çdo kohe, si një ndër veshjet më të vjetra Shqiptare.
Colors of Zadrima janë ngjyrat e bukura të traditës sonë.